يوم السبت الفارط صارتلي مناقشة حامية مع الرئيس المدير العام ، قالي الي هو موش فرحان بالخدمة متاعي و قالي كان متحبش تخدم قلي ، و بعد ما سخسخني بما فيه الكفاية و الي منعرفش نخمم كيفو والي ينقصني الحماس... طلب مني باش نتكلم و نجاوبو
ياخي شنو كان يستني مني باش نقلو ، كان باش نقلو صحيح كلامك ... ترصيلي نرجع لايام البطالة و كان نقلو كلامك موش صحيح يرجع يسخسخني.. اخترت السكوت
روحت للدار ..و قررت باش نقدم الاستقالة، معاتش فيها...الكرامة قبل كل شيء.. رغم الي في قرارة نفسي موافق عرفي في أغلب الي قالو.
نفتح قوس صغير، أنا نؤمن الي في الدنيا هذي ثمة الحظ، لكن ثمة زادة الخدمة والطاقات الفكرية
.ثمة الذكي والي اقل ذكاء و الي طاقاتو الذهنية علي قدها. أنا نري عرفي ذكي برشة و هذاكة علاش و صل' رئيس مدير عام' ، و' الكورسيا' مخو علي قدو و هذاكة علاش يخدم 'كورسيا' و أنا كذلك الوظيفة متاعي علي قد مخي .. صحيح يدخلو في الوظيفة معايير أخري كيما لمعارف و الحظ.. لكني لاحظت إلي عندو في مخو ،في الغالب ينجح في حياتو
.ثمة الذكي والي اقل ذكاء و الي طاقاتو الذهنية علي قدها. أنا نري عرفي ذكي برشة و هذاكة علاش و صل' رئيس مدير عام' ، و' الكورسيا' مخو علي قدو و هذاكة علاش يخدم 'كورسيا' و أنا كذلك الوظيفة متاعي علي قد مخي .. صحيح يدخلو في الوظيفة معايير أخري كيما لمعارف و الحظ.. لكني لاحظت إلي عندو في مخو ،في الغالب ينجح في حياتو
ليلة الاحد في الليل، أنا و الوالد في السيارة ، واقفين في الضوء الاحمر و قدامنا سيارة
شعل الضوء أخضر، لكن السيارة الي قدامنا خذات برشة و قت باش تتحرك.. الوالد قالي : السخانة عملت فيه
قتلو لا ، الفهم متاعو ثقيل، باش يفهم الي الضوء أخضر و الي لازمو يتحرك ، ياخو وقت...الناس لكل ما تستوعبش بنفس السرعة
ملاحظة
رجعت نخدم نهار لثنين.. و سمعت كلام الي قالولي : ما عندكش هنشير لوالد يستنى فيك
.. وقلت لروحي اليوم خمر و غدا امر ، رغم الي نشك الي غدوة باش نعمل حاجة
10 commentaires:
bon courage farfar :)
ca arrive les problèmes!! sois patient :)
merci naufrage :)
Après tout 3asfour fil yid wéla 10 fou9 il chojra, en attendant de trouver mieux... :)
Et pour ta théorie de l'intelligence, je la soutient à 1000% :p
أسمعني فرفر توة الى صار صار انت المفروض اتحب خدمتك والا هكة أوهمتنا على كل أنا ذكاي والا الطرف الى عندى واندبر بيها في راسي قتلي انك نورمالمون لازم تجتهد أكثر يا سيدي والحركة بركة حاول حاول لين تلقاش ربع فكرة اتبين بيها قدرتك ومقدرتك ومواهبك لذلك لا تستسلم أبدا وصحيح الذكاء موهبة من عند المولى أما حتى الطرف الى عندنا انجمو انطوروها بالخدمة خدم مخك امالا فرفر أما في الخدمة برك عاد
اى تبقى على خير
@brahim
ta7iyaiti :p
@fatma
tu sais mon dernier année d'étude au fac , g voulu bien etudier et voir ou je peux arriver ..on m'a tjs dis ke je suis intelligent mais malheureusement je suis pareseux et je ne travaille pas ..dc g travaillé bien et g voulu montrrer a moi meme ke lorsque je travaille je peux atteindre mention ...et bien c'était comme les autres années , wselt lel 10 ken bessife et nja7t controle..hadhaika mostawaya :d
sinon en ce ki concerne le boulot , ma decision de rester c surtout apres six ans de travail ..mon compte bancaire est preske nul..dc meme si je presente ma demission et je sors ..je n'ai pas d'argent pour commencer ..g pense ke je dois mettre au moins un petite some à cote pour espere faire un petit projet ..c mon objectif du moment..
صباح الخير فرفر
ريت محلاك كي اتولي اتخمم ..انقول فيها ونضحك على روحي على جالنا كلنا في الهمّ شرق توة انهي شهرية تونسية اتنجم اتفضّل منها ؟ سوهاااااال مش للكبارات ويوزعو في الشهريات ويحددو في دخل الفرد بأسوام عام سبعين هذي حكاية أخري أخطانا منها
نرجع انقلك توة بديت اتفكر أمالا رسكي على داركم عامين وبطل الدخان ونحي السيارة فماش ما اتكون و تعمل مشروع صغير وربي معاك
@fatma
el hamdellah thamma chkoune yefhemni :d kima 9olt tawa chahria fi touness tnajjem tkhalli menha ..
la seule solution no93ed mai nokhrojch meddare et avc ça laizem tsir hkaya trassilek tosref elli khabbitou lkol.. thamma ness doué fel l'epargne..malheureusement ou heureusement je ne fait pas parties , mais je vais faire un effort.. une sorte de defie disons et Rabbi i9adder el khire :)
NB
3ayech m3a darna :d
يا ولدي يصير على الرجال
و نعرف صاحبي راجل
خليّه رقّدهالو
و "الأيام بينما"
خوذها من خوك قوم نوح هذوما ما يجيوش بالذكاء و الخدمة و الضمير ...كبّش ساعة توّة فماش ما تعمل " سي دي إي"
و امبعد كلم خوك توة نقولك شنوة تعمل
كلندستينو
شكرا علي التشجيعات
أنا نتصور بكل بساطة الي انا الرجل المناسب في المكان الغير المناسب لكن بما انو في بلادنا حاليا كي تلقي خدمة تتسمي محظوظ ، هاني راكش
لكن في نفس الوقت لازمني نخمم في مشروع خاص نعمل فيه الي في مخي
وكيما قال الشاعر بلقاسم و من لم يرم صعود الجبال يعش أبد الدهر بين الحفر
خلاصة القول يا تعيش حياتك في الحفر والا تتحرك و تحاول ...وممكن ربي يجيبنا في الصواب
أنا بالرغم الي منيش خدام و كسول لكني نؤمن بالعمل، لكن العمل بذكاء
Enregistrer un commentaire