كثر السلام يقل المعرفة

ثمة مثل يعجبني برشة ونؤمن بيه كمقياس ممتاز لمستوي العلاقات مع الآخر و يضهرلي فيه مصري الجنسية.. يقول : كثر السلام يقل المعرفة

توة طلبني شخص قريب مني برشة و قالي : انجم نكلمك ، معندكش خدمة .. لا قال آلو قبل ..لا عسلامة ، لا شيء
أنا اجابتي كانت :- تكلم فيسع شتحب
شنو عندك خدمة -
معنديش خدمة ، تي تكلم -
....
أنا يعجبوني برشة العلاقات هذومة الي ما فيهمش بروتوكولات
...
الذاكرة ترجع بي لمقابلة في كرة القدم .. مشيت مع ثلاثة أصدقاء يموتو كيفي علي الجمعية... لحقيقة أقل مني شوية..

قبل ما توفي المقابلة ببعض الدقائق ، و كنا خاسرين.. كل و احد هز روحو و روح .. لا بسلامة .. لا تصبح علي خير ..لا شيء..

نتصور كان درجة الصداقة متاعنا كانت في بدايتها .. رانا كنا ملزومين باش نخسرو علي بعضنا، شوية بروتوكول و نفاق اجتماعي .. مكانش يحكمو علينا بقلة التربية وعدم الأخلاق...
...
والي في القلب في القلب

.....