قهوة شمنططو

شكون منكم مسمعش بقهوة شمنططو و ما أدراك ، لبارح مروح مالخدمة عقاب لعشية نلقي لقهوة مسكرة علي غير عادتها،
قلت برة نمشي نحكي مع واحد صاحبي نسئلو عالموضوع متاع القهوة.. و بين قوسين صاحبي هدا مكشخ .. لي شهر ما سلمتش عليه، وفي المدة الأخيرة نحاول ديمة نتجنبو.
عندو حانوت قدام دارنا قد قد ، نبيت الكرهبة بعيدة شويةعالدار باش كي نقوم الصباح منقابلوش، ..مكانش ترصيلي نقوم نسري بكري تحت حس مس قبل ميحل هو الحانوت ..
عندها جمعة قمت بكري، فر حت مانيش باش نراه.. أنا نخدم في الكرهبة و هو جاني يجري : متصبحش علي جارك..
و هو زادة بليد برشة ، توة شهر قمت الصباح نلقي العجلة منقوبة، قعد يعاون في باش بدلتها، يعطيه الصحة، لكن من وقتها جمعيتي ما ربحت حتي ماتش ، و هو شدهالي كل ما نخسرو يبعثلي مساج : لكلو مالعجلة

الحاصل البارح قلت توة بردت حكاية البطولة والكأس مفيها باس نمشيلو، الي متي هكة، و مني نسئلو علي حكاية شمنططو
بعد السلام و كل واحد يسأل في صا حبو فين كان متخبي

قتلو أي بسلامة توة
فين ماشي ايجي نحكيلك علي قهوة شمنططو
أنا جيتك علي هدا و نسيت ، شبيها مسكرة
شدو فيها جماعة تقمر
ديما يقمرو غادي فطنو بيهم كان البارح؟
تلقاه ما هوش مخلص الأدءات..، ونهارين لتالي زادة عركة بالسكاكن قدام القهوة

.............