نحب ننتحر ، البقية

سامحوني علي الإطالة للأسباب الأنفة الذكر، نكمل لحكاية

ادن الفتاة قالت لصديقي عندكش دبوزة ماء نغسل بيها وجهي راني نرعش

صديقي قاللها كان تشوفني أنا قداش نرعش

و طلعت بحذاه فى السيارة باش يشريو دبوزة الماء

في الثنية الفتاة ما زالت تبكي و ما قالو شىء، تكلم صديقي و سئلها شبيك علاش تحب تقتل روحك

ما جا وبتوش

قاللها راهو كي تحكي خير ، تفرغ قلبك و ترتاح و انا زادة لا نعرفك لا تعرفني وما عندي لشكون نحكي ، هوني من ناحية محكاها لحد محكاها لحد ، ماتت غادي

قتلو و هي تبكى فديت من عيشتي .. راجل أمي شدني بالقوة توة عامين و مررلي حياتي و ليوم زادة نفس لحكاية ، و و راتو رقبتها حمراء و مخبشة دليل علي صحة كلامها

احنا سئلناه ياخى علاش ماشكاتش بيه

قالنا تخاف من الفضيحة

وقللها صديقي المرة الجاية يدور بيك ادغر فيه سكينة و الا دبر بومبقاز و فشفشها عليه

قامت تضحك لاول مرة ملي رمات روحها علي السيارة

وصلو قدام العطار ، شراو دبوزة الماء ،غسلت وجها ، غسل وجهو و من بعد قتلو نحب نمشى لبلاصة 'كالم' عا لبحر

صديقي قاللها ما عنديش و قود في السيارة

قتلو توة نصبلك خمسلاف و قود يكفي

يكفي

و مشاو لقمرت

احنا سئلناه شعملتو في البحر

حتى شيء قعدت تحكيلي علي قصتها وكيفاش نهار وحدهم في الدار و هي لابسة لقصير و صار الي صار و أنا نهزلها في المورال

خذيتش نمروها

بطبيعة ، قلتلها كي تقلق و اتحب تحكى مع حد اطلبني اما ما تستناش مني باش نطلبك

طلبتك

طلبتني البارح تضحك قتلي هاني دبرت بو مبقاز

...