الاصالة

صباح يوم السبت الفارط ،. أنا نشق الطريق ماشي للقهوة و يقص علي صديق عندي مدة ما قبلتوش.. يوقف السيارة ، نطلع بحذاه و نمشيو معا بعضنا نعملو قهوة صباحية و زادة عندي قضية فين يخدم هو، لقيتها فرصة يوصلني في ثنيتو..
صار الحوارالتالي الي لفت انتباهي
يقلي الي هو مشي لسهرية في قرطاج متاع فنان امراتي و الا كويتي
منعرفوش.. مع شكون مشيت -
يقلي مشي هو و صديقته، و خوه و زوجته و الي خوه قالوالي هو منسجم ياسر مع صديقته أكثر منو هو مع زوجته
نسألو:صديقتك متدينة ؟.. و بين قوسين السؤال هذا خاطر صاحبي هذا متدين و منذ مدة نحكي معاه، قالي أول شرط يطلبو في شريكة حياتو ،هو تكون متدينة و تلبس الخمار..
لا حلفت عليهم المتدينات-
علاش -
كل فتاة متدينة في تونس لازم تلقي فيها عاهة و إلا مشكل نفساني و مركب نقص
أنا قتلو المهم تكون متدينة في فكرها ، خاطر حاجة باهية في ديننا الي المرأة تقدر الراجل..و هذا شيء مهم برشة من وجهة النظر متاعي
.......

ملاحظة

هذي حالة خاصة ، و مبنية علي تجربة شخصية .. اذن ما نجمعوش .. أنا نري الي الحجاب واجب ديني بالرغم الي أنا في قرارة نفسي منحبذش زوجتي تلبسو ... عندي احساس الي بلادنا مركبة ياسر..مجتمع و أفراد.. وفي نطاق التحرر همشنا الأصالة متاعنا وضيعنا تقاليدنا..و المرأة ضاعت كيما ضاع الراجل زادة.. معاتش نعرفو المجتمع الي ننتسبو ليه و أنا ثنية نتبعو .

.......