يبارك في ترابك يا تونس

ليوم عرفي يقلي: سمعت بسي التونسي الي يخدم في البانكة الي نتعاملو معاها شعمل
لا مسمعتش بيه شعمل-
هرب لجنوب افريقيا-

جنوب افريقيا !!.. و علاش هرب ؟-
هرب بثلاثة مليرات-

تعجبت برشة، خاصة الي السيد نعرفو و تعاملت معاه قبل وعجبتني لحكاية و أثارت اهتمامي ،علي الأقل تخرج من روتين لحكايات الي نسمع فيهم كل يوم و قلت مبين روحي :سي التونسي طلع اسم علي مسمي
عرفي يستطرد و يقلي : مطلعش مهف و هذي زادة وجهة نظر الناس لكل الي خدمو معاه ، ثلاثة مليارات شوية ، كارو سرق أكثر
أنا مزلت متعجب : ثلاثة مليارات شوية ، راهم ثلاثة ألاف مليون
شنو يعملولو في جنوب افريقيا ؟؟؟-

......-

......-

انجم نقولواذن الي ودع تونس الي الأبد ، معاتش راجع؟-
بطبيعة الحال ، كان يرجع يلقاهم يستناو فيه في المطار-
.....

سي التونسي ، انسان عادي ، لكن السراق لكل يضهرو عادين موش مكتوب عليهم هذا سارق
مزال أعزب ، رغم الي فات الأربعين ، و ممكن هذا الي شجعو علي العملة متاعو، ، أقل قيود و هامش متاع حرية أكبر ،
لكن أكثر حاجة خلاتني نفكر ، الي سي التونسي ، يخدم في بانكة محترمة، وظيفة قارة ،مركز محترم ، شهرية محترمة ، و رغم هذا لكل ، سلم في كل شيء و اختار المغامرة ، و في هذا من انجم كان نحترمو
......