ليوم الاخوة المدونين في تونس الشقيقة عاملين حملة رمزية سماوها يوم التدوينة البيضاء كاعتراض منهم علي قمع حرية الرأي في البلاد هذي و غلق المدونات الي تتبني الرأي المخالف
أنا بصراحة رغم الي في التكوينة النفسية متاعي منيش مغروم بالمبادرات الجماعية و ماذا بي نكون ديمة خارج السرب ، لكني كي نرا الناس لكل تاكل تجيني الشاهية و نولي نحب ناكل معاهم حويجة
الحاصل أنا نري الي لحكاية لكل تتلخص في حاجتين وهما
متي استعبدتم الناس و قد خلقتهم امهاتهم أحرارا و تفسيرها الي الالزام باش الناس لكل تفكر في نفس الشيء و تحب نفس اللون ضد الطبيعة لبشرية و أبدا يتحقق كيما الطبيعة الي لقطوس ياكل اللحم و العلوش ياكل الحشيش ، هل يعقل تمنع القطوس باش ياكل اللحم و تطلبو باش يسكر فمو و مايمعوقش ؟
والشيء الثاني هو انو الحرية تأخذ و لا تعطي و تفسيرها الي اسرائيل مهيش باش تسلم في حتي شبر لفلسطين
و السلام
6 commentaires:
كيما يقولو بالفرنسية ، مرة و احدة ليست عادة
باش نعمل أول تعليق
جاتني فكرة ، كي قطوس توكلو ديمة في الحشيش كيفو كيف لعلوش و من بعد تعطيه لحمة، شنو يكون زعمة رد فعلو؟
تفكير
فرفر تعرف الي ديما انا نقول الي احنا العرب مازال عندنا قصور في الفهم .
قريت نص هاالنهارين لكاتبة تونسية جلبت انتباهي بجملة تقول فيها (أن العالم العربي ما زال يعيش على هامش الأحداث الكبرى وعلى هامش التنمية والتقدم والإصلاح السياسي وغيره.. عالم يضم قرابة 350 مليون نسمة، ولكنه يعيش كأي عامل يومي، لا يعرف كيف يخطط لمستقبله ولتطوره ولا كيف يعالج مشاكله ويحولها الى فرص متاحة للخلق والابتكار....)عجبتني كلمة عامل يومي كل نهار ونهارو.
في بالك انتخبو فلاديمير بوتين شخصية العام؟
نختم بنصيحة اليوم:
فرفر لا تبتئس.... فما ينفع الناس هو ما يمكث في الأرض
لي عودة للتعليق على القطوسة
فرفر....؟ ماهذا الذي ارى؟
اصبحت تعلق على نفسك؟انها ولا شك تخمة علوش العيد.
صباح الخير عمروش
فرفر يعمل كل شيء وحدو كي طرزان ههه
لا تخمة علوش العيد لا شي، و لعلمك أخ عمروش أنا انسان نباتي، نهار لعيد مثلا فطرت كعبة خص ، لكني شويتها علي لفحم باش نعمل جو
موضوع العامل اليومي يستحق شوية وقت ، توة منبعد نعلق عليه انشاء الله
c'est bien 7kayet tarsean ili yon9ob wa7do to9sod ha ha ha ha ha ha
وهو كذلك قائد هه
Enregistrer un commentaire