كما أشرت في التدوينة الفارطة اقتصرت مشاهدتي للتلفاز هذه الايام علي متابعة بعض الحلقات من الفهد الوردي علي قرص د.ف.د مدني اياه زميل في العمل..
اتاني منذ اسبوع الي المكتب و قال لي: المرة الفارطة أعطيتني تحفة فنية لمشاهدتها و يقصد بالتحفة' ثلاثية البران'.... ( كنت قد اعدت مشاهدتهما مؤخرا و سئلته ان كان قد شاهد هذا العمل فأجابني بالنفي ...تعجبت لهذا وحملت له من الغد الفيلم بأجزاءه الثلاثة وأبهر به .. ) وأنا بدوري سوف أعطيك تحفة اعجبتني كثيرا....هل أنت مغرم بالفهد الوردي ؟
صراحة لم تكن لدي فكرة كبيرة علي الفهد الوردي.. و أردت اكتشافه..
و أضاف انه يريدني ان أشاهد خاصة الحلقة الثالثة ، اعجبته كثيرا وجدها فيلسوفية و قال أنه أعادها أكثر من عشرة مرات ..
....
أضع هنا و كهدية للأصدقاء بصفة خاصة و الزوار و الشعب التونسي و العربي بصفة عامة البعض من هده الحلقات
اذن الأربعة حلقات هم
الفهد الوردي يصنع الفرجة وهي التي أعجبت الزميل
ثلاثة حلقات أخري اختطفوا مني علي الأقل ابتسامة
شكر خاص لبرهوم المدير التقني للمدونة لتحمله عبأ تحميل هده الحلقات علي اليوتوب في حين كان فرفر بصدد الغناء و القفز و تشجيع الجمعية في مقابلة نهائي بطولة كرة اليد
هدية أيضا ، الأغنية الناجحة التي غناها الحمهور عشية اليوم في القبة باب الجديد زادمين
اضافة
بعد اتمامي مشاهدة كافة الحلقات الموجودة في الد.ف.د، أضيف و كتكملة لهده التدوينة أكثر حلقتين نالوا اعجابي و هم
مشاهدة طيبة للجميع
18 commentaires:
صباح الخير لولاد
صباح الخير فسيفساء
شنو تمر بأزمة عاطفية هاليمات ههه
شوية سلف كونترول
:p
أزمتي العاطفية أزمة مزمنة
طويلة الأمد
لا تنتهي
لا عندها لا بداية ولا نهاية
فسيفساء
اعمل كيما فرفر اتفرج على الفهد الوردي و انسى الي ما عندها لا بداية و لا نهاية
شكرا هناء
عندي توم و جيري
Es ce que kelkun peu ns donner le défintion ou les traits de la personalite de la pantere rose !!
sujet et débat important
أنا هناء لقيت روحي في الفهد الوردي عايش كيفي أون سوليتار ههه
ثمة حلقة تفرجت فيها البارح بعد منشرت البوست..
سحارة عندها الباقات مجيك..الملخص قاعدة تشرب في الكحول فوق الفركة متاعها وهي طايرة في السماء.. في لحضة غفلة طاحت الباقات مجيك جات عند الفهد الوردي..
في آخر الحلقة رجعت السحارة باش ترجع الباقات متاعها ..هي تفك و الفهد الوردي يفك.. و كل مرة يضربها بالعصي تولي حاجة ..مرة ضفدع ( هوني عمروش نتصور قاعد يقول في قلبو شخص كان نطيح بيها هاذي لعصي السحرية)و مرة دارشنو نسيت..حتي في لخر السحارة ولات فهدة وردية..
مشي ديراكت الفهد الوردي كسر العصا باش معادش حتي حد يعاود يستعملها و يقعد مع الفهدة الوردية طول عمرو ههه
و يجيبولنا 14 فهد وردي
أهلا سلومة
التعليق الفارط كتبتو في نفس وقت تعليقك..
وانت حسب رايك شنية أهم ملامح شخصية الفهد الوردي..
نتصور زادة نورهان المختصة في تقييم الشخصيات تنجم تدلي بدلوها في هذا المجال..
سينو علاش قلت يجيبو 14 فهد وردي علاش موش أثناش و الا اربعة و الا خمستاش
..
ينجم زادة ياخو فهدة زرقاء يجيبو صغار خضر نتصور الفهد الوردي مهوش عنصري من الناحية هاذي..
هذه حكاية 14يقولها خويا الكبير الله يرحمو كان كيف يفد عليا في البولوت يقلي باش نعطيك 14 كف هه مانعرفش علاش 14
بالنسبة للنمر الوردي انا نشوف اللي هو مغفل و احمق و ابله لكنه ماشي في بالو اللي هو ذكي كيما راغب علامة ...
والله اعلم و نتصور نرهان زادة تعرف اكثر مني
تحياتي على ما يأتي
يا سلومة
تعيش و ترحم ، ياخي شبيك دخلت فيه مغفل و أحمق و ابله.. منحبش فيه راني و أون بليس انا نراه ذكي..
.. ياخي الي يبدا طيب في البلاد هاذي يولي مغفل و احمق
فرفر العاطفي ..
يسترك يا عشيري
سلومة
العواطف خليتهم لفسيفساء
ههه
أنا بصفة عامة نؤمن بمقولة
personne n'est indispensable
لاكن ساعات واحد يضربو لقلق خاصة عشية سبت ههه سيتو
ياخي حتى الفهد الوردي لما كان القرار في ايده خير يقعد مع الفهدة الوردية
حكاية سوليتار بالاختيار هذي يا فرفر ما نأمنش بيها
يزي يا فرفر الواحد فد مل النومة امام التلفزة في بيت القعدة ان الاوان باش نحول لغرفة النوم هه ونتصور هذايا راي الدكتورالعلامة النمر الوردي
هناء
موافقك، أنا ما قلتش الي الفهد الوردي اختار العيش أون سوليتار.. قلت لقيت روحي في الفهد الوردي و هو عايش أون سوليتار..
و كيما قلت الفهد الوردي كي قابل الفهدة الوردية كسر الباقات مجيك..كان ينجم يخليها علي ما يأتي..و بعد جمعة و الا زوز يبدل الفهدة بحاجة أخري أهم هههه
سلومة
وهو كذلك ههه
فرفر
و انا فهمتك و كنت نحكي عليك مش على الفهد الوردي
سلومة
التحويل فكرة مليحة و تنقص نسبة العنوسة ، واصل
S beh el khire :)
a propos, yaikhi personne n'a parlé du côté philosophique mentionnée ds l'épisode ci-haut !!
Enregistrer un commentaire