dimanche, octobre 21, 2007

1-1

كنت مستلقي في فراشي و منغمس في قراءة قصة فئران و رجال ، لم أنتبه إلي مرور الوقت، أنظر الي الساعة، تشير إلي الثانية بعد الزوال و عشر دقائق، هل أذهب إلي ملعب المنزه؟.. مقابلة هامة في البطولة ضد النادي الصفاقسي تنطلق في أقل من ساعة، حالة الطقس لا تشجع و هناك امكانية كبيرة لسقوط الأمطار أثناء اللقاء ، سئلت والدتي مع علمي المسبق بإجابتها
شنو رأيك نمشي لستاد و الا فك علي الطقس موش باهي-
فك عليك أقعد في الدار-
تعملي كاس تاي بالبندق بعد الفطور-
نعملك-
....
قررت اذن العدول عن الذهاب الي الملعب، و قلت في نفسي، لقد اقتنيت اشتراكي و عدم ذهابي لا يعيق الجمعية في شيء ، لكني تساءلت في نفس الوقت مالذي غيّرني
بضعة سنوات الي الوراء كنت ارحل مع الجمعية مئات الكلمترات و في جميع الظروف المناخية، ذهبت الي صفاقس في ذروة الأمطار و أنا ملقي في الجهة الخلفية لسيارة '15 س' و مرة ذهبت الي سوسة بسيارتي القديمة 'سكودا'، ولم يكن أحدا من الرفاق يؤمن بامكانية السيارة في الوصول، قلت لهم لنغامر بالذهاب، مساندة الجمعية تأتي قبل كل شيء.. و تجاوزتنا جميع سيارات الطريق السريعة و لكننا وصلنا و الحمد الله و في طريق العودة كان لدي احساس بأن رجلاي مبللة، كنت أعتقد أنه بفعل برودة الطقس، لكن عند مروري الي المكانيكي بعد أيام أخبرني بوجود ثقب كبير في أرضية السيارة مغطي بعناية لم أتفطن إليه عند شرائي لها
*.....

بعد الغذاء ، ذهبت الي فراشي، أكمل قراءة القصة و أنتظر نقل المباراة تلفزيا و أنتظر أيضا كأس الشاي
الهاتف يرن٠٠انه ابن عمتي، ماذا يريد في هذه الساعة
شتعمل-
هاني راكش في الدار-
مكش ماشي للستاد-
لا باخل، فك عليّ، الطقس موش باهي-
عندي تساكر' تريبون' منصة شرفية تو نتعدالك للدار نهزك-
أوكي نمشي-

إتفقنا علي اللقاء في مكان وسط المسافة و ذلك لضيق الوقت
ألبس قميص الجمعية ، أحمل معي مظلة الجمعية أيضا و أشغل السيارة في لحظات،
في الطريق سائق سيارة تاكسي يعيقني ، أتجاوزه، لم تعجبه طريقة تجاوزي له، يقف بجانبي في ضوء أحمر و ينعتني بأبشع النعوت، أتجاهله
أوقف السيارة في مأوي سيارات' نزل أبو نواس' حسب اتفاقنا، أصعد في سيارة ابن عمتي ومعنا صديق ثالث
يأتينا حارس المأوي، أ ُعلمهم أنني لا أحمل معي أي مليم
يسأله ابن عمتي : بقداش
حارس المأوي: ألفين
ولد عمتي: باهي أعطينا تسكرة
أنا نتدخل :علاش ألفين هبطني توة نوقفها قدام الستاد
نُكمل الطريق في سيارتين، في المفترق الموالي ألمح مكان مناسب، أستطيع فيه ترك سيارتي بأمان، أعلم الرفاق للتوقف
أوقف السيارة، يأتيني شخص لا أعرفه ،أبادره مباشرة بالسؤال
شنو باركينغ هوني-
يسألني بلهجة مغاربية: خوي نهج محمد خامس هذا
أجبته بسرعة :اي اي نهج محمد خامس.. وقتو توة


نصل الي الملعب حوالي الثالثة و ستة دقائق، طابور طويل من السيارات، نهاتف السيد الذي وعدنا بالدخول و هو من سلك الشرطة، أمزح مع الرفاق: مراقبي الدخول الي الملعب من الأحباء المتطوعين و أعرف معضمهم، لا يسمحون بالدخول المجاني و خاصة من طرف الشرطة ، كان هكة توة ندخلكم أنا
يأتي السيد و يعطينا ثلاثة تذاكر ، نشكره لكن التذاكر مدارج مغطاة و ليس منصة شرفية كما كنت أظن
في الباب أجد صديقي المراقب ، أعطيه التذكرة و أخبره إني مشترك ، لأني أعتبر عدم الاشتراك في الجمعية شيء مخجل بالنسبة لمحب وفي مثلي
.....
ندخل أخيرا للملعب ليس هناك مكان شاغر ، أختار مشاهدة المقابلة وقوفا من الناحية العليا للمدارج في حين نزل الرفاق أسفل المدارج أمام الميدان
بعد وقت قصير يناديني صديق و هو بطل مقالة نحب ننتحر،أسأله : ثمة بلاصة بحذاك؟
لا-
قبل بداية الشوط الثاني ألتحق بالرفاق وأقول لهم
بلاصة قريبة ياسر،الي كي تعطس و تقول الحمد لله، يدورلك' جوور' يقلك رحمك الله
هههه
للتاريخ نتيجة المقابلة في العنوان

68 commentaires:

3amrouch a dit…

j'avoue alors ennek sabek 3assrek.
j'ai pas vue la discussion avant.
mais dis mois:tu te pose encore des questions sur ce sujet?
ralini nemchi nakra ce que tu viens d'écrire ça a l'air intéressent.
tawwa narja3.

3amrouch a dit…

الاية (وقدمنا إلى ما عملوا من عمل فجعلناه هباء منثورا
سورة الفرقان اية 23
نفسيرالجلالين
23 - (وقدمنا) عمدنا (إلى ما عملوا من عمل) من الخير كصدقة وصلة رحم وقرى ضيف وإغاثة ملهوف في الدنيا (فجعلناه هباء منثورا) هو ما يرى في الكوى التي عليها الشمس كالغبار المفرق أي مثله في عدم النفع به إذ لا ثواب فيه لعدم شرطه ويجازون عليه في الدنيا
ابن كثير

وقوله تعالى: "وقدمنا إلى ما عملوا من عمل" الآية هذا يوم القيامة حين يحاسب الله العباد على ما عملوه من الخير والشر فأخبر أنه لا يحصل لهؤلاء المشركين من الأعمال التي ظنوا أنها منجاة لهم شيء وذلك لأنها فقدت الشرط الشرعي إما الإخلاص فيها وإما المتابعة لشرع الله فكل عمل لا يكون خالصا وعلى الشريعة المرضية فهو باطل فأعمال الكفار لا تخلو من واحد من هذين وقد تجمعهما معا فتكون أبعد من القبول حينئذ ولهذا قال تعالى: "وقدمنا إلى ما عملوا من عمل فجعلناه هباء منثورا" قال مجاهد والثوري "وقدمنا" أي عمدنا وكذا قال السدي وبعضهم يقول أتينا عليه وقوله تعالى: "فجعلناه هباء منثورا" قال سفيان الثوري عن أبي إسحاق عن الحارث عن علي رضي الله عنه في قوله: "هباء منثورا" قال شعاع الشمس إذا دخل الكوة وكذا روي من غير هذا الوجه عن علي وروي مثله عن ابن عباس ومجاهد وعكرمة وسعيد بن جبير والسدي والضحاك وغيرهم وكذا قال الحسن البصري هو الشعاع في كوة أحدكم ولو ذهب يقبض عليه لم يستطع. وقال علي بن أبي طلحة عن ابن عباس "هباء منثورا" قال هو الماء المهراق وقال أبو الأحوص عن أبي إسحاق عن الحارث عن علي "هباء منثورا" قال الهباء وهج الدواب وروي مثله عن ابن عباس أيضا والضحاك وقاله عبد الرحمن بن زيد بن أسلم وقال قتادة في قوله: "هباء منثورا" قال أما رأيت يبس الشجر إذا ذرته الريح ؟ فهو ذلك الورق وقال عبدالله بن وهب أخبرني عاصم بن حكيم عن أبي سريع الطائي عن عبيد بن يعلى قال وإن الهباء الرماد إذا ذرته الريح وحاصل هذه الأقوال التنبيه على مضمون الآية وذلك أنهم عملوا أعمالا اعتقدوا أنها على شيء فلما عرضت على الملك الحكم العدل الذي لا يجور ولا يظلم أحدا إذا إنها لا شيء بالكلية وشبهت في ذلك بالشيء التافه الحقير المتفرق الذي لا يقدر صاحبه منه على شيء بالكلية كما قال تعالى: "مثل الذين كفروا بربهم أعمالهم كرماد اشتدت به الريح" الآية وقال تعالى: "يا أيها الذين آمنوا لا تبطلوا صدقاتكم بالمن والأذى - إلى قوله تعالى - لا يقدرون على شيء مما كسبوا" وقال تعالى: "والذين كفروا أعمالهم كسراب بقيعة يحسبه الظمآن ماء حتى إذا جاءه لم يجده شيئا" وتقدم الكلام على تفسير ذلك ولله الحمد والمنة
pour le reste ce n'est pas a nous de dire ou meme de penser que telle ira ou paradis ou en enfer vu que meme le prophete saws ne va entré que par la grace de dieu.

FarFar a dit…

:)
non amrouche je ne pose pas de kestion sur ce sujet , je connaissais la réponse et je n'ai pas de doute la dedans :)
pr les intéressés c un sujet posé par 3amrouche ds son blog , je l'ai dis, ke g deja parlé de ça depuis janvier dernier
c ce lien :)
http://alakolouneyaikrima.blogspot.com/2007/01/discussion.html

bonne nuit :)

3amrouch a dit…

enna bidi konet clubiste ess7i7 ama 3andi modda mella e3tazalet les stades

FarFar a dit…

صباح الخير عمروش
والبسودو متاعك باخي خذيتو علي اسم الرزقي عمروش ، مدافع جزائري قمقوم لعب معانا؟

3amrouch a dit…

ess7i7 ya 7assra a3la rezgui 3amrouch
tu te rappelle salou tajou.
ya faouzi ya faouzi.
dommage pour le CA
nemchi en7out om kalthoum:kenna sar7an fee hawwa

FarFar a dit…

فيبالك بيه صالو طاجو، توفي عمناول و طلع مسلم من الطوغو

ربي يرحمو

علاش يا حسرة ، انشاء الله القادم خير من الي فات ، لازمنا نكونو متفائلين

حط غناية فكروني ازاي ، هو انا نسيتك خير
ههه

3amrouch a dit…

ya farfar enna mes deux films fétiches qui m'ont marquer:
-crash
-match point
sinon 3andek:
- au nom du père
-les princes de la ville
-cercle des poètes disparus
tawwa kol marra net7efek eb titre.
dernier en date
babel

caramel
je veux bien voir en route vers guantanamo.
et pour finir en beauté

13 tzameti
sinon qu'elle est le titre francais du livre que tu est entrain de lire,j'ai lue les critiques en arabe sa a l'air pas mal.

FarFar a dit…

carsh : pas mal
match point : lesm mouch ghribe 3laya mais en principe je connais pas

au nom du père : lesm mouch ghribe 3laya zeda mais en principe je connais pas

les princes de la ville : peut etre tfarrajt fihe ..ahawka jmai3a ko7alaine et mexicains et 7abss fel l'amerike ken mouch ghalet..

cerles des poetes diparus mta3 Robin williams : g pas aimé..


babel : g vu la cachette, mais g jugé ke ce n'est pas bon pr voir..
caramel : je ne connais pas..

en route vers guantanom : je l'ai vu.. pas mal..

13 tzamet : awel marra nesma3 bihe

le livre esmou tt simplement en francais : Des souris et des hommes :)
il ya le film zeda de john malkovich , Des souris et des hommes, une adaptation de cette roman, pas mal non plus :)

3amrouch a dit…

farfar: bech netrachech a3lik raho(virtellement bien sur)
emchi elioum 9bal rodwa routh
match point(woody allen et la sublime scarlet johnson)en7ebik tu m'en parle apres pour me dire ton avis

au nom du père de Daniel Day-Lewis tiré de faits réels a voir absolument e9wiii yesser)surtout la scène du lancement de papier toilette enflammée.



babel :a voir aussi l'hsitoire pas mal du tout de brad bitt

caramel : normal histoire de femmes .
dexcuse moi mais enna raw jawwi ciné.
lezem etchoufhom farfar



13 tzamet :heyll barcha ,el 9oua fel taswir ils arrivent a te transmettre les sensations, aucun acteur connu.
enzidek lost in translation

http://www.amazon.fr/Au-nom-P%C3%A8re-Daniel-Day-Lewis/dp/B00008XFAL

http://www.allocine.fr/video/player_gen_cmedia=18408730&cfilm=61514.html

http://www.allocine.fr/film/fichefilm_gen_cfilm=57866.html

3amrouch a dit…

hayya barra erdem ralini nemchi nerdem(ABSOLUMENT)
warcraft

Anonyme a dit…

بون فرفر
أنا اليوم فقت بيك اتحب الافريقي انا نورمالمون ما انشم شيء في الكورة أما الله غالب من أنا صغيرة خويا الكبير دمغجنى ويحطنى نتفرج وانشجع معاه فى الاحمر والابيض بما انو الدار الكل يحبو المكشخة وكى كبرت وليت انتبع الاخبار الكروية متاع النادى وها السنين الاخيرة وليت نشرى مراولهم وكاسكات وحاجات من البلاصة اللي تعرفها وحسيتها فكرة حلوة ياسر
أما باقي انشجع من باب محبتى لأخي الكبير فقط لا غير ......
أسلوبك رائع في الكتابة اللى من ها النوع عندك طريقة في السرد مزيانة لو كان اتزيدلنا من التفاصيل معناتو توصف الاحاسيس والامكنة وطرائق القول اتولى مقالاتك طيارة وينجم يحطها عمروش آفوار آبسوليمون هههههههههه انفدلك عليك
أنا من الأوفياء لمدونتك يا مشاكس
تعرف انو القصة اللي تقرى فيها عملو منها فيلم رائع
قديم شوية أما أنا انحب الكلاسيك

Anonyme a dit…

.....أحلى كلمة في القصة اللى تقرى فيها
les types comme moi ya pas plus seul au monde ................

FarFar a dit…

bsara7 3amrouche yai dhnoubi ken aina wayaike 3anna nafss edhaw9 mta3 al aflaime, woody allen par exemple j'aime pas edhmare mtai3ou..
et cercle des poètes disparues barcha 9alou c un chef d'oeuvre mais aina je ne l'ai pas aimé exceptionnellemnt..

laiken haidha lai yamna3 , je vais essayer de voir les autres bech mai nodhlmekch :)wken 3ejbouni nwalli nesma3 kalimek fel aflem :)

arab
kifech ftont bia ken lyoume n7ebb lefri9i, ti aina 7atet ellien mta3 el jam3ia bel bont el 3aridh melewel belkol.. c vrai mawseltech 9olt à voir absolument :)) .. mais awel lien..

laiken aina lyoum fine chla9t bike elli enti bent jam3iti.. wtemchi zeda lel boutike chay yamel el kife.. sa77itek:)

g essaye d'ecrire en arabe, à ton avis ama khire bedderja wella hakka bel 3arbi.. en plus je ne suis pas certain ke c lougha 3arabia fos7a ..

je t'ai dis fi arabbica, ke je pense faire un feuilleton , un récit fictif sur plusieurs post , tu ne m'a pas repondu.. c pkoi g effacé mon commentaire :)

klaimek s7i7e en ce ki concerne el wasf , les sentiments des personnages, les endroits etc.. mais thamma mochkla elli iwalli el post touile barcha ..et ta9la9 bech ta9rahe..
l'idée je pense ta3mel haja sur plusiseurs post , laiken thamma lien mai binet8om ..kima alf lila wlila.. tji chahrazade fi tombek lahkaya wtosket ..

Des souris et des hommes je l'ai lu il y a une dizaine d'années , voir plus.. je me rapelle ke g pleure au chapitre dernier.. et c rare k'un roman ibakkini.. g pleuré aussi fel enterrement de Si sayed fel sokkaria le troisieme volet de la triologie de najib mahfoudh, elle est très bien écrite ..la personnage mta3 si essayed ettabba3 fiha 1000 pages , t9oul kayennou fard mel 3ayla.. c une exception de la nature ce nejib mahfoudh , Rabbi yer7mou..

Anonyme a dit…

فرفر
الكتابة بالفصحى لا تمنع انك تنتقل للدارجة وقت اللي اتحس انو ما فمة حتى طريقة للتعبير اتكون أعمق وأصدق والوصف ولو انى انشاطرك الرأى في انو يطول الهدرة أما انرى انو ضروري لانو يحفّز المخيلة متاع القارىء للتخيل ويصبح يعيش معاك اللحظة
أنا بصراحة فرفر مع حكاية تعمل مسلسل من شيرة اتولى توصف ومن شيرة باش ادخل عنصر التشويق بصراحة أنا في بالي اتفدلك نهارتها على هاذاكا ما جاوبتكش أنا ما انجمش نفصل ما بين وقت تبدى تحكى بجدك وما بين وقت تبدى تتكلم وبره على كل أمتعنا بمقالاتك يا مشاكس ولا عليك

FarFar a dit…

bon arab rien à dire wahwa kaidhelek :).. ama laizem tel9a l'idée ce ki est un peu difficile..
tiens marra jetni fekra .. 9olt na3mel reconstitution des evenement années 40/50.. 3andi 3amti marra 7ketli ettairikh kifech les allemands dharbou touness el 3asma , et kifech el 3ayla lkol hajjet ..mchewa ljaime3 sa7eb ettabe3 fel 7alfaouine ..3amlinou kel malja2 en ces temps la.. puis 3amlou l'exhode lel marsa .. fi carrita herbine mel 9naibel . avant il n'ya pas de moyen de transport .. dar 3amhom ghadi.. c toute une hisoire .. je pouvais creer meme des personnages ..ki ont peut etre existé..

pour ce ki est du film des souris et des hommes , je l'ai deja vu..:p ..7kit a3lihe l3amrouche , maw a9ra les commentaires 9bal :p.. en plus mahouch 9dime barcha c les années 90 peut etre , et bel couleur zeda :))
aya liltek zina :)

Anonyme a dit…

très bonne idée comme ça ont pourra mieux vivre le passé avec des histoires vrais que tu interprèteras bonne chance alors et bon courage....j'ai pas pu lire touts les commentaire désolée!! ach bik idizz 3ada
hhhh
bonne nuit

FarFar a dit…

صباح الخير
ياخي ما ترقدش، عيون لا تنام هه
اما لازمها برشة خدمة لحكاية، لازم تعرف الظروف التاريخية متاع العهد هذاكة.. الخ الخ
السهولة موش باهية

صحيح الي قال الأدب ماساة أو لا يكون ههه

3amrouch a dit…

صديقي فرفر تحية وبعد:
انا بدي مايعجبنيش ؤودي الان كممثل وانما هو يبدع بصفتو كمخرج وفيلم ماتش بوان قام باخراجو و عمل منو فيلم روعة ،على كل برى اتفرج واحكيلي وماتنساش فيلم باسم الأب تو تشوف التمثيل على قاعدة.
انا من ناحيتي باش نمشي نشوف في28 semainesلم حاصيلو توا نحكيو.
اما بالنسبة للذوق يظهري انو متفقين على موهبة نجيب محفوظ الي شخصيا عنديcollections من رواياتو و فما الي حافظهم عن ظهر قلب( همس الجنون,زقاق المدق....) اما الله غالب بلبصها اخر عمرو على جرد جائزة اما هاذيكة قصة اخرى،عندك زادة احسان عبد القدوس.
نختم هاالقوس بحكاية a voir absolument هاذيكا في البداية حبيت نشجع المواهب الصاعدة ونعمللها اشهار فماش مايعرفوها الناس،تو العصفور عمل جوانح ونجمو نسيبوه يطير وحدو(ههههههههه)
انتي نلقاك عايش ومربي الريش ماريتش انك بحاجة ،وبالله هي ولية يافرفر كلو في سبيل الله(ههههههه يظهري كثرتلها،برى عاد سلكهالي انتي معاها)
زيد عاد حطي شوية تاريخ في المدونة تولي كاملة من مجميعو(رياضة،دين،ثقافة،فن،صراع الحظارات،...)
ناقصك تعمل فضاء لدبارة اليوم و تعمل بوكي كامل تنافس بيه الأرتي
الي اللقاء صديقي.
شريت بورتابل هههههههه..

3amrouch a dit…

يا فرفر تحية وبلاش بعد:
اول حاجة راني فسخت التعليق متاعك وتو يجي نهار نفسرلك علاش،نقلك حاجة وحدة انو الشمعة هاذيكا لا علاقة لها بالناس هاذوكا وكيف اتبع الغرزة تلقى انو ها الشي نعمل فيه كل في الشهر.
بالنسبة لحكاية ترهيب الي تحكي عليها عملتها للأغاظة وباش نقلقهم انتي تعرف انهم جايبينها ثقافة و علم ويمنوش بالخرافات دونك اخترتلهم وحدة باش انفددهم ،انا عندي برشة ملي نفضت يدي منهم كيفهم كيف قوم لوط ،نوريهم اني بالنسبة لدون كيشوت هاذك رد على هو اش كتب وجبدني فيه بطريقة غير مباشرة وكيما يقولو لا تجادل الأحمق فمن يسمعكما لن يعرف من منكما الأحمق.

Clandestino a dit…

صباح الخير
هاو البرنامج متاع خميّس الخياطي مازال يمشي :))))))
أيا سيدي هه
انتي و العمروش عملتولي فرشة على خاطر تفرجت في سيد الخواتم ..
و تجيو توة و تقولو اللي
cercles des poetes disparus
فيلم قوي
انا واحد من ناس ما عجبنيش اولا على خاطر نكره روبين ويليامز و ثانيا على خاطر مش ديما الفيلم اللي يشكروه النقاد معنتها باهي.

افلام ملكوفيتش زادة نكرههم من عند ربي هكاكة
انا نحب الافلام اللي فيهم برشة ركاكة و لوغة مضروبة
و اكثر زوز افلام تضربت فيهم لحد الساعة
the big lebowski
blue velvet ( malgres elli menhebbech barcha dennis hopper)

و فم زادة افلام تارانتينو (البارح عداو
pulp fiction في التلفزة)
اللي فيهم برشة كلام و حكايات لا راس لا ساس
و باند اوريجينال قوية متاع الغناء الموش معروف و المؤثر (انا تضربت في الموسيقى متاع جاكي براون)
و اكثر فيلم أثّر فيا (مانيش نبالغ اذا نقلك انو الواحد يشد روحو بالسيف باش ما يبكيش ) هو الفيلم متاع دافيد لينش
the straight story
une histoire vraie
بصراحة اذا كان ما تفرجت فيه ننصحك باش تشوفو في اقرب وقت
فيلم بسيط و لكنو فيه برشة احاسيس قوية على الاخوة و العائلة و المجتمع متاعنا توة
و اللي جاك نيكلسون حب يقلدو في
mr schmidt
لكن النتيجة كانت بعيدة على بعضها
و شيء لا يقارن

و آخر حاجة باش نحكيلك على الفيلم متاع جودي فوستر اللي اكيد تعرفو
contact
هو نفس عنوان الرواية اللي كتيها العالم متاع الفيزياء و الفلك كارل ساغان (تارواية الوحيدة اللي كتبها)
انا السيد هذا مضروب فيه من ايامات الثانوي وقتها ناخذ في الترجمة متاع الكتب متاعو و تغرمت بالفلك و مراقبة النجوم و شريت جيمال و وليت وقت اللي نسافر مع الوالد للبلاد نبات نتفرج في السماء
حاصيلو تعبت من الكتيبة....
سنعود بعد الفاصل

Anonyme a dit…

صباح النور
المطافي في خدمتكم
ههههههههههههه
شنوة توة ؟شوية جديّة بربي

FarFar a dit…

سلام يا جماعة
سامحوني علي التأخير كنت في اجتماع خارج مقر العمل

سلام عمروش تحية و بعد
كنب باش نرقيك ليوم و نعملك رابط عندي ، ياخي بلبزتها تسعين دقيقة هههه
علاش تفسخ فيه التعليق متاعي ، تو انا يا رسول الله قايم بعد نصف الليل و نحلل و اناقش و حتي كلندو هاو شاهد مخلطش جاوبتو علي التعليق متاعو
باش تجيني انتي تقلي راني فسختلك التعليق
باهي السماح ، اما كيما قتلك حكاية الرابط باش تبطي شوية هههه
شهمنا فيه الشخص هذاكة ،أما المهم تسمع النصائح كيما قتلك الأدوات متاعك متاع الاقناع من قرآن و حديث ما تمشيش معاهم الجماعة هذوكة
كيما قالو لمن تقرأ **** يا داود
أي حاول فسخلي التعليق هذا توة ، كان توصل تفسخو نشهدلك تفهم في الأفلام خير مني ههه
..
ما نتصوركش قريت أكثر مني نجيب محفوظ
في الي كتب لكل ممكن ناقص كتاب و الا زوز مقريتهمش
قريت أولاد حارتنا الي اتهموه فيه بالكفر ؟
شنو رايك فيه ؟

...
أخطا التفدليك المدونة متاع عرب و عرب يستحقو كل خير و أنا موافقك علي تشجيعك، أما تو يزي ، ، ارابيكا و ولات معروفة و زايدة لبسوليمون
...
هههه
...
صحة عرب ههه
....

كلندو توة نعملو تعليق و حدو ههه

3amrouch a dit…

يا فرفر راهو الأحمق في الحكاية هو زعيم شلة الأنس عماد زمارة
للتوضيح وبرى
كلندو شبيك تغششت راهو هوني في الفوروم متاع فرفر مافماش رمي ؤرود و مجامالات.....ضرب صحيح ذراعك يا علاف.
بالنسبة للبوات الي ضاعو راهو حتى فرفر معاك ومعجبوش الفيلم اما انتوما ماهو حطوه في اطارو الزمني وقتلي خرج يعني انا وقتها في قمة المراهقة والأحلام في التسعينات كل شي يجد عليا،دونك طبيعي انو يعجبني فيلم كيفو

3amrouch a dit…

ماتحصلتش عليه كتابو هذاكه ام عملتك عليه ملاحظة وقتلك بلبصها في اخر حياتو
انا بيدي قريتلو برشة
سليتها مع عرب ووحلتني انا؟؟؟ يا ولدي علاش تلز فيا للحديث علاها؟هاذيكا نرفوزية برشة ومعندهاش وين يدور الريح،انشاء الله ماتجيش اليوم و برى.
ههههههههه

FarFar a dit…

كلندو البارح حبيت نجاوبك و نقلك موافقك و منيش موافقك
منيش موافقك كي تقلي نتفرج فالي يجيء و متقسمش الأفلام خاطرالافلام من صنف ب والا الأفلام التجارية مضيعة للوقت و لكلمهم تقريبا يشبهو لبعضهم

لكني موافقك من ناحية الي كل حاجة تتفرج فيها ممكن تلقي فيها مادة للتفكير و الا للحلم حتي من ناحية الاشخاص الي يمثلو ..الأماكن ، الصورة في حد ذاتها، طريقة الأداء
لازم من قيدوش أنفسنا بحاجة و حدة
...
أنا مثلا نمشي ساعات نشري فيلم د.ف.د نقلو أعطيني أفلام بروسلي يبدي باهت في
..

توة نجاوبك علي الأفلام مبعد ، برشة خدمة و نهار كامل منيش في البيرو
و تعبت مالكتيبة زادة
:p

FarFar a dit…

عمروش
عرب قتلك مطافيء في خدمتكم
رد بالك علي اللهليبة الي عندك
ههه

FarFar a dit…

clando, the big lebowski , 3jebni barcha ki tfarrajt fihe wa3malt 3lihe barcha kife
blue velveet mai na3rfouche , ama ki enti 9olt men akther zouze aflem athrou fike , tawa nchoufe chnia 7keytou ..

pulp fiction j'estime ke c un chef d'ouvre, mais ba3dou quintin tarantinou je trouve wella ihez wyonfedh..
3ejbetni la scene elli fiha mia et john travolta , kharjou yeshrou ..avant ke mia fait un over dose , 9atlou pkoi on doit parler pour se mettre en confiance ...( à méditer )
7atta the straight stoy je ne connais pas , apparament haja béhia ..( 3amrouche yodh_horli clando tla3 yefhem khire mennek fel aflaime lool)
contact aussi je l'ai bien aimé, aina judie foster men silence des agneaux , wellait mon actrice favori.. en plus le sujet de contact je l'aime bien..

3amrouch a dit…

ماهيش باش تتفض ضاهر فيها اليوم....
يافرفر ياخي نسيت جاكي بروان متع Qوينتين طارانتينو ؟؟؟تي جا مبعد بلب فكشن راهو.
فمى كيل وبيل متفرجتش فيهم،لا لول لا ثاني
هذاكة كلندو يعرف كل شي اما يحب يستعبط،
عربية ههه وينك هذا هو الهدوء قبل العاصفة.
regardez (au nom du père)yehdikom
behi et usuel suspect chouftouh

FarFar a dit…

يا عمروش حكايات حارتنا معملوش في آخر حياتو
اما الأزهر منعو و تطبع في لبنان
...
جاكي براون عجبني كان المشهد مبين دينيرو و الممثلة فوندا ههه
متشلقش ههه

توة هذا سؤال
usuel suspect
شفتوه ؟
ربي يهديك عمروش

3amrouch a dit…

المشهد الي قتلو :تحب.......
قالها: ايييييييييي...
قاتلو هاي بنا نمرح...
مصاب جات الدنيا بسيطة هكاكه
فيبالي بعد ممات عاودو طبعوه:انا ريت منو مقاطع وصراحة عندهم الحق ربي يغفرو

FarFar a dit…

بربي يا عمروش ثمة حاجة توة جلبت انتباهي
كيفاش يبدا أحمق و زعيم ؟

FarFar a dit…

ماو قتلك متشلقش هه ، مع العلم الي عندهم درجين تعارف ههه
تك تك
و من بعد رجعو يحكيو حالة عادية ههه

Sami III a dit…

يا جماعة, أيّا قلنا السّلام
حبّيت نقوللكم أنّي قريت... قريت... قريت... و إمباعد تعبت قبل ما نوصل للأخر...
نرجع نكمّل الحكاية مباعد...
الحق ممتع الحديث متاعكم, حابب نشارك أما موش وقتو
للي يستغرب يقول شبه هذا (أنا معناها) يحكي في الفارغ, حبّيت نسلّم عليكم سيتوو :)

FarFar a dit…

أهلا أهلا
زارتنا البركة يا سامي

كي جبدنا علي الفيلم 'كراش' تفكرتك يضهرلي نتفكر عملت بوست سباسيال عليه

عمروش ، سامي صديق باهي افرح بيه
وزادة معانا موش مع لخرين ههه

عمروش بين قوسين عرب طفاتك ، أنافي بلاصتك نمشي حالا نفسخ الرابط متاعها و الا نرجعها كيما الناس لكل من غير ابسوليمون و هذا أضعف الايمان

Anonyme a dit…

فرفر
ما طفيتوش ....انت طفي روحك.....ههههههههههه كنت في المكنين في بالي باش نخدم ياخى ما فماش قاعات .....ههههههههه وليت روحت ...نلقاك دمغجت الراجل ولى يقول عليّ وليّة وآش علينا فيها وهردت الدنيا كى عادتك أما بعد ما ردك عصفور بره أنشاء الله اتسلكها مع انفلونزا الطيور يا فرفر

FarFar a dit…

ههه عشية كاملة معملت شيء وانا نهر أنا و عمروش

الحمد الله قلت عندي برشة خدمة ولازمني نخدم ههه
هاني قاعد نقاسي فيها الأنفلونزا توة كينك حاضرة هه

Anonyme a dit…

اى انشاء الله لاباس أما سيب الراجل باهي ....هههههههه ازح خلولي المجال انولي مشهورة حسدتونى على رابط افتراضي يا ناري ؟هههههههههه
عمروش ..............كيفاش عاد ؟؟ ؟؟
أنحب تفسير علني كيف ما كان (التقليل من قدراتي )علنيا ........وماذابيك تزرب روحك ..........لانها باين فيها امزمرة عليك هههه

FarFar a dit…

بربي عندي ليكم سؤال سامحوني كانو في صلب الموضوع ههه
ياخي معندكم حتي تعليق علي البوست واحد-واحد ههه


عرب منك ليه متراتيهش،
اي توة وقيت باش نروح من الخدمة هه
عمروش متخافش هه

3amrouch a dit…

يافرفر هذاك سامي من اول اصدقائي لهنا ونعزو برشة وهو يعرف الشي هذا
موش مستحق نفرحو بيه؛الدار دارو.
هاك فيقتها توا....انتي تعرفها ما تقراش التعاليق لازم تفيقها...اش باش يسلكهالي.....
يا عرب
ماتفهمنيش بالخالط راهو (استدراج) عملهولي فرفر وانا مافقتش لقيت روحي في التسلل،خلاني وحدي...

Clandestino a dit…

إينعم
انا عندي تعليق على البوست
"الترجي يا دولة" هاهاها
محلاها فيكم اهوكا نكملو الماتش المتاخر نوليو في نفس المرتبة
:))))))

@3amrouch:
tu dois voir le film de david lycnh
the straight story
c'est ton genre
و انا متاكد اللي باش يعجبك
@farfar:
انا سي فرفر نحب السينيما
نتبنن السينيما و نشيخ مع كل مشهد

Anonyme a dit…

تعرف تعليقك الأخير أبدعت فيه بصراحة ما عندي ما انقول أفحتنا بالجملة كالعادة

FarFar a dit…

صباح الخير يا أصدقاء

طحت من عيني كلندو هه
اما بلحق يضهرلي فيك تفهم في الافلام خير
من عمروش

الملاحظة متاعك متاع نتبنن كل مشهد ما يفهموهاش الناس لكل هه

عن جد ههه باش نعمل قائمة في الأفلام الي قلتوهملي ونمشي نشريهم شكرا جزيلا

عمروش متعرفش حكاية الصيد و الفار ، هاني باش نحكيها هوني ، خاطر أنا منحبش نميع المدونة متع عرب كيما بعض الناس ههه

قلنا عاد الصيد و الفار خرجو يسهرو مع بعضهم
مشاو لكابيرا كلها فتيات و شرب و شيخة حاشة لمحل و الفار بالقدر هو و الصيد، سيدي سيدي
و ما يشربش الخمر

عادة قاعدين ، الصيد دار للفار يتربج بيه يعيطلو فرفر

فرفر شنو رايك نهبطو زوز كيسان خمر خنعملو جو
الفار قالو خطانا سيدي
الصيد : زوز كيسان بركة شيء ما يعملولك
هبطو زوز كيسان
الصيد : فرفرأي نزيدو
الفار : سيدي زوز كيسان يزي
الصيد متخافش فرفر انت ضيفي ليوم و كل شيء علي حسابي
حسيلو قعدو هكاكة والسرفور ماشي جاي
الصيد فرفر نزيدو ؟
والفار :خطانا سيدي
والصيد يكلم السرفور يقلو جيب زوزو
و الفار يشرب ..

في عقاب السهرية
الصيد: فرفر نكملو زوز كيسان و نروحو
الفارعينيه حمر يتكلم بالسيف : شو صيد كان مزلت تعيطلي فرفر
تو نشد
*****
اي عمروش لباقي كملو و حدك
نهاركم زين توة

3amrouch a dit…

يافرفر شكرا على المجهود هاي تو عرفت النكتة متاع الفار.
فما مثل يقلك لا يلدغ عمروش من فرفر مرتين دونك مانيش باش نقلك راهو كلندو مايفهمش غير مني في السينما والأفلام ومانيش باش نقلو حتى انا تحطت من عيني كيف طلع مكشخ ،باش نسكت و ما نقول شي.
اي اكتب حاجة اخرى باش نجيو نزوروك طوالت الهدرة لهنا
سلم على المطافئ و قلها موش نورمال البرد اليوم،هاودخل الشتاء على قاعدة هههههه

FarFar a dit…

عرب عمروش يسلم عليك ، حاشم منعرفش علاش
ههه

توة الي كتبتو هذا لكل و تقلي موش قاعد تكتب هه، الفايدة موش في عدد البوستوات عمروش لكن حسب رايي في الاضافة

3amrouch a dit…

موش حكاية حشمة يا فرفر اما هيا تنبزت وسكرت قنوات الحوار لحل الأزمة وديا وطاح الكف على ضلو .
شاداد صحيح في حكاية ا لتفسير علني على خاطر التقليل علاني.
قلها في يدك حتى لغدوة سينوا انحي ابسوليمون ونحط فرفر في البلاصة هههههه( ديصولي كلندو لبلاصة كان لولد الجمعية)

Anonyme a dit…

صباح النور فرفر
الله يسلمك
ويسلمو
أما ما فماش علاش يحشم عمروش
والبرد دواه كان صحن برغل بنــــين وكعبة بريك وفيه الشفاء لف على روحك مليح

FarFar a dit…

عمروش عندي ليك ملاحظة و ممكن تعليق لكلامك كي قتلي اكتب حاجة جديدة ومنحبكش تتنبز مني
هي مادة للنقاش ليس الا و تنطبق علي برشة مدونين

توة أنا لاحظت الي انت نشرت في ارابيكا نكتة متاع الدجاجة
انا نعرفها بالسوري ، بون مهيش نكتةنكتة، لكن موش هذا موضوعنا
سؤالي علاش تعاود تنشر فيها في البلوق متاعك و كتدوينة زادة،متراش الي ثمة تكرار
يقول القايل تحب يقراوها برشة عباد ، لكن شنية الفائدة
أولا مكش انت كتبتها
ثانيا موجودة النكتة من قبل
معناها ماثمة حتي اضافة
لا للحكاية ، لا ليك انت

مع فائق تحياتي

Anonyme a dit…

عمروش
نصرة اللديمو.......قراطية آش قولك في التعليق الاخير متاع فرفر أبدع موش هكة
ريت كى انقلك هههههههههههه
فرفر
.......فرفر......فرفر...فرفر....

Anonyme a dit…

أسمعنى عمروش
تمشيش اتنحيلي الجنسية امانك راني أتوه يعيشك عاد وبربي اتبدلنى بفرفر ازح توة هذا اختيار؟؟ الله يهديك اتلزنى باش نجبد الناس هههههههههه اى عاد ما صار شيء أنا انموت على النصوص البايتة والمسخنة انعاود انحطهم في المدونة وانت اتهبط نكتة بون موش نكتة قطرة حافضينها نتواتو اما فرفر قوى علينا امانك خلينا هكة خير

Anonyme a dit…

اى قوم روّح عمروش فاش تستنى روحو العوادة ولموا الكراسي ويغنوا في لا اله الا الله والفرح واتانا
يزى عاد من التسكع لهنا

3amrouch a dit…

ههههههههه
ملاحظتك في بلاصتها و لاول مرة يافرفر والله كلامك صحيح،افحمتني ،اما كيف تبع الايستوريك متع الي كتبتو في البلوغ متاعي ترى انو ماعدا زلة ولازوز؛عمري ما مشيت بقاعدة الجمهور عاوز كده ،انا انتي كنفرميست صحيح.
تو جاء دوري باش نعملك انا ملاحظة :
انا راني ركشت هاالنهارين في دارك على خاطر نحب اسلوبك الي( نتبناه) متع ا لصراحة و عدم رمي الورود وديجا عملت ملاحظة في هاالشان لي كلندو وقتلو الحساسسسسس ماعندوش بلاصة لهنا،دونك ابار تتطيح لقدر والسبان، قول الي تحب،سقف بيتي من حجر،دونك(كثرت من الدونكات)نحي علينا لغة مانحبكش تتنبز هههههه
عرب شبيك نسيت السلاطة

FarFar a dit…

شبيك اتطرد في الراجل عرب خليه مبنك ، أنا موش مقلقني ههه
و هاني زادة باش نفرح بيه و نعملو رابط عندي
اما متقولوش الي يجيني نهارين هوني يربح رابط،

صحيح راكم تتساؤلو علاش فرفر عمل هكة و مستوى مدونة عمروش ما يرقاش لمستوي الروابط الموجودين كيما عرب و غدوة نحرق و حتي فسيفساء،
و الفرق كبير
لكن آش تحبو تعملو، الدنيا سعود

أنا كي ريتو حط لبسوليمون لمدونة عرب عز علي بصراحة ههه

اسمع عرب باش نعملك فازة خير من لبسوليمون متع عمروش
باش نحط لا تقرأو هذه المدونة
تو تشوف الناس ماو يموتو عتنسنيس تو يهبطو عليك كالذبان ههه

في جريدة الاعلان وقتلي كنت نشريها عاملين مقال اسبوعي لا تقرا هذا الخبر
كيما قلت يلعبو علي حب الاطلاع متاع القراء ،
أنا عمري مقريتو، منكسرلهمش كلمتهم هه

3amrouch a dit…

فرفر:
نسيت فازة سري للغاية متع الأعلان،الناس تبدى تقرى وفرحانة يقلك تحضيرات على اعلى مستوى لزيارة مسهول في دشرة وتبدى عاد تلوج شكون وفين تقلوش جبت الفار من ذيلو.
انا كان عندي صاحبي ديما يقرى ويحصل في لا تقرأ هذا الخبر و يقلي اخر مرة نحصل وشي ديما يحصل.
موش سعود اما ديما اولاد الجمعية حنان على بعضهم موش كيما الجمعيات لخرين تلقاهم كي القط وللفار(هو بيدو راو الفار متع النكته).
فرفر شبيك نسيت المدونة متع سامي راهو زاده عندو مايقول في روحو اما تو لاهي وما عندوش وقت ديما يغني في غناية برزن براك.
عرب سيب عليك من طلعات فرفر واقعد مع ابسوليمون خير رود بالك،راهو شد فارك لايجيك فار ما اشووم
هههه

3amrouch a dit…

شنوه ماشي لباجة ،ما تنسناش في طرف قوته وجبن

FarFar a dit…

عمروش ، اي كل شيء بالبركة ، انشاء الله بركة تكون في المستوي هذاكة مناش خايف أنا ، متعاودش بوست الدجاجةهه

حتي عرب انجمو نباركولها ثمة نقلة نوعية

باجة منعرفش ، هاك قريت البوست أنا المنزه و و ليت نبخل ، وزادة عندي افلونزا توة

سنوات لتالي مشيت لباجة ، نضربو بالحجر و وقفناه الماتش و انا نعيط
شغب ألي

Anonyme a dit…

شكرا فرفر
أما من كارك زدت لا تزورو هذه المدونة خشية عدوى الحزن والقاموس كلو ماك تعرفو خيبة حزن غامق ارق .......

FarFar a dit…

توة نكتب تعليق طويل عريض و من بعد مشاكل متاع كنكسيون ميمشيش و يتفسخ


بون قتلك حرت معاك عرب
و من بعد قعدت نفسرلك كيفاش لحزن ميوصل لشيء و البكاء علي الأطلال موش باهي و في لحكاية لكل ما تخسر كان انتي

والي أنا شخصيا نتقلق كي نضر غيري ، لكن كي غيري يضرني منتقلقش و يبدي ضميري مرتاح

والي في الدنيا هذي حسب تصوري الخاص ثمة ناس مكتوب عليهم بالشقاء و التعب،
دونك علاش نزيدو عليه التخمام و التفكير و الحزن
حلها واحد يبيعها بلفتة

و قتلك نعرف الي كلامك يا هذا في النافخات زمرا
لكن اهيكة محاولة

و من بعد قلت لحكاية هذي فكرتني في بوست كنت باش نكتبو مرة و بطلت

مروح من غار الملح في الصيف في غرغور القايلة و معاي ولد خالتي و مرتو جاو من طاليا و وولد خالتي واحد آخر
ولد عمتي الي من طاليا يقلي و قف الكرهبة را نصبة متاغ غلة يحب يشري بطيخة

ناقف، يهبط ولد خالتي
وثمة مرا قدامي شادة في يدها كعبة خبز طابونة و هي واقفة و تستني شكون ياقف و يشريها من عندها

قعد نغزرلها و انخمم .. ، الفقر شيعمل و منين تجيب الصبر هذا لكل باش تقعد شادة الخبزة ممكن لساعات في طمبك القايلة
...
هكاكة يرجع ولد خلتي في يدو كعبة البطيخ ، هو ناقص نظر من عند ربي ، و كمل لابس مرايات شمس متع بحر ، مشي حل باب الكرهبة الي قدامي

المرا متاع الخبزة راتو شعمل قامت تضحك و قلتنا الحمد الله ما حلش باب دار

قعد باهت كيفاش في الحالة متاعها توصل
تضحك و تفدلك

للتأمل ...

Anonyme a dit…

من كارك كتبتو البوست علاه هكة يمشي هباء وما يقراه كان أولاد جمعيتك اى بره أقصد ربي أكتبو توة
المشاكل متاع الكونكسيون انا دعيت عليك
ههههههههههههههههههه

FarFar a dit…

صباح الخير
نو موش مشكل ، كيما قلت موش خاطر اسمو بوست راهو حاجة تستحق القراءة

أي نهاركم زين
:)

Clandestino a dit…

@farfar:
يظهرلي حكاية بائعة خبز الطابونة (تفكرني بحكاية بائعة الكبريت)

تلخص كل شيء
و بالقياس تنجم تفهم كيفاش خوك الكلاندو يحب يحرق و يعاني من برشة مشاكل و رغم ذلك مازال يضحك و يحب الحياة
للتامل زادة
:))))

FarFar a dit…

أهلا* كلندو
ليوم منصبحش أنا ، خاطر صباح الخير ليوم منقولها كان لشخص(ة) واحد، مكانش تفقد المعني متاعها ههه

شنية هذي بائعة الكبريت ، أعملنا ملخص كان متراش مانع

أنا نتفكر تفرجت في صور متحركة كلو ، كبي و حزن،( منيش نرمي في المعني راهو هههه) في الموضوع هذامتاع بائعة الكبريت ، لكن بصراحة نسيتها
كالصور المتحركة المدبلجين، يقعد ساعة و الا اكثر و يحكيلك قصة من التراث العالمي

سينو كلندو باش نكون صريح معاك ، أنا شاكك فيك باش تحرق نهار
نتصورك من النوع متاع لعباد الي يتكلمو ياسر و الفعل ربي يجيبو
فما هو دفاعك علي هذه التهمةههه



نحبك تبعثلي تعليق من اللمبدوزا ههه

أنا بصراحة ، فكرتي باش نحرق في بلادي، هذا مشروع سما دبي ، قالك الجماعة شراوها تونس و باش يجيو يبنكو بحذانا

الفكرة نحسن مستواي العلمي و الثقافي و كي يحيو نحرق بحذاهم


أنا بيدي كيفك نقدر ياسر الشجاعة و المغامرة متاع الناس الي تحرق ، لكني نعترف الي منملكش شجاعتهم أو ممكن ضروفي متلزنيش باش ناخو الريسك متع الحرقة و نتصورك كيفي
لازمنا حرقة مقننة، كيما خونا عمروش ههه

للتأمل ...
ههه

Clandestino a dit…

صار انتي تتصور اني نلوح روحي في شقف فيه 70 رقبة و نهد لايطاليا
السلام عليكم هاني جيت

لا يا بابا
انا نحب حرقة جوية بالبسبور و الفيزا على خاطر نجم ناخذ فيزا سياحية
و غادي ندبر راسي

زيادة على ذلك هاي جزئية شخصية انا قاعد عامل بروسيدير متاع هجرة
و نهارة اللي يسهل ربي اتوة نهج

هذا هو البرنامج اللهم ربك سبحانو مقدر حاجة اخرى

قصة بائعة الكبريت قصة محزنة جدا
متاع البنية اللي يشدها راجل امها و يعطيها دقديقة بالعصا و يجبرها باش
تبيع الوقيد في الكياس ليلة راس العام
و في اخر القصة هي ملوحة فوق الثلج ميتة بالشر و بالبرد و شادة هاك الوقيد بين يديها و كل مرة تشعل عود باش تدفي روحها للي هز مولى الامانة امانتو و توفي القصة ببرشة نواح و نديب من طرف العبدو لله و بني خالته و عماته المتحلقين حول التلفزة

اما مبعد وقت اللي نخرجو ننساو فيسع و نفرحو اللي ما عناش الثلج في بلادنا و الشمس ديما زارقة
محلاها الحياة

Anonyme a dit…

اى باهي موش ناوى يكمل الحديث لهنا
ههههههه
للتأمّل 62 تعليق .......فيهم على الكورة....السينما........الدين....الادب العالمى .......الكتابة ....وتوة شوية غزل افتراضي وزيدهم سياسة الله الله ...........وكلندو يحبني انحى كلمت أبدعت أنا يا فرفر باش نعملك اشهار اشهار اشهار أقوى من اشهارات رمضان وتوة اتشوف ........
للتأمّل كى يحرقو أولاد البلاد .......مقنن والا بالفم والملى ....شكون يبقى في البلاد؟؟
سوهال وجودى وبره

FarFar a dit…

شكرا عرب
اما بربي متعمليش اشهار ، الرابط الي عندك يزي
أنا بطبيعتي نؤمن بمقولة عيشو بخفاء، عيشو سعداء كان الترجمة صحيحة، انت تعرف اترجم النصوص خير مني ههه

نعمل شوية ضربات خدمة و نرجع ، للحديث بقية

Anonyme a dit…

أمان أمون هكة توة
أنا انترجم مليح؟؟
توة الراجل غلط وفاق بغلطو وفسخ التعاليق وانتى باقي امكبّش زايد هاذا
داخل في شراسة المنافسة وما علبناش توة فرفر ما جاوبتنيش
بالحق
انت ما تعرفهاش حكاية بائعة الكبريت ؟؟
نارى عليك ضاع عليك طرح نكد وكبي موش نورمال توة نعمللها بوست عندى باش هكاكة تتنور اما كلندو يعرفها خير منى برشة توة امالا يحكيلك عليها
توة ما تتغشش كان نعملك مقال اشهاري فرفر كى جماعة العزامة والعرافة اللي في الجرايد هههههههههههههههههههههه والله الفكرة جد ممتعة
وخليني انبدل نغمة المزموم اللي عندى ههههههههههههههههههههههههههههههه

FarFar a dit…

كلندو
معناها انت تقصد غدوة تحرق الفيزا ههه

عرب
خوذ راحتك
:)

FarFar a dit…

قعدت نخمم في قصة بائعة الكبريت
ثمة حاجة مفهمتهاش شنو المغزي الي في الحكاية، كي البطلة الي هي تمثل الخير تموت في آخر القصة؟

صحيح في الواقع موش بالضرورة الخير هو الي ينتصر
وكيما قال نصر الدين بن مختار ههه يا فاعل الشر ، تمنع ليوم تتشد يوم القيامة

ثمة امكانية باش يمنع الشرير في
الدنيا و يسلكها

انا نري الي قصة بائعة الكبريت ، تجيء سبوت اشهاري باهي لولاعة
zippo
توفي حكة الوقيد تخرج الولاعة و تمنع ههه